മട്ടുപ്പാവിലെ പച്ചക്കറിത്തോട്ടം

                                                                                                                   
                                                                                                                                                                                                                                                                                 

                    മട്ടുപ്പാവിലെ പച്ചക്കറിത്തോട്ടം                

                                                                                                                                                                                                                                                     

                   മട്ടുപ്പാവിലെ പച്ചക്കറിത്തോട്ടം അറിയേണ്ട കാര്യങ്ങള്‍                

                                                                                             
 
                             
                                                       
           

 

 
 
 
ടെറസ്സില്‍ പച്ചക്കറി കൃഷി ചെയ്തുണ്ടാക്കുകയാണെങ്കില്‍ ജൈവ പച്ചക്കറി കൃഷിഭൂമിയില്ലാത്തവര്‍ക്കും ഭക്ഷിക്കാം. ടെറസ്സിലെ കൃഷിക്ക് പോളിത്തീന്‍/സിമന്റ് സഞ്ചികളാണ് ഉപയോഗിക്കുന്നത്. ഉപയോഗശൂന്യമായ ടയറിലും കൃഷി ചെയ്യാവുന്നതാണ്. കൈവരിയോട് ചേര്‍ന്ന് അടിയില്‍ ചുമര് വരുന്ന ഭാഗത്തിന് മുകളിലായി ചട്ടികള്‍ വെക്കാം. ഇഷ്ടിക അടുക്കി അതിനു മുകളില്‍ ചട്ടികള്‍ വെക്കുന്നതാണ് ഉചിതം. വെള്ളം കെട്ടി നില്‍ക്കാതിരിക്കാന്‍ പ്രത്യേകം ശ്രദ്ധിക്കണം.
 
 
മേല്‍മണ്ണ്, ചാണകപ്പൊടി, മണല്‍ എന്നിവ 2:1:1 അനുപാതത്തില്‍ കൂട്ടിച്ചേര്‍ത്ത് മിശ്രിതം തയ്യാറാക്കാം. പ്‌ളാസ്‌റിക് ചാക്കുകളാണെങ്കില്‍ ഇരു വശത്തും അഞ്ചോ ആറോ സുഷിരങ്ങളിടണം. ചട്ടിയിലാണെങ്കില്‍ സുഷിരം അടക്കണം. ഏറ്റവും അടിയില്‍ രണ്ടിഞ്ച് കനത്തില്‍ മണല്‍ നിരത്തുക. അതിനു മുകളില്‍ ചട്ടിയുടെ/കവറിന്റെ വാ വട്ടത്തിന്റെ ഒരിഞ്ച് താഴെ വരെ പോട്ടിംഗ് മിശ്രിതം നിറക്കുക. നിറക്കുമ്പോള്‍ സഞ്ചിയുടെ രണ്ട് മൂലകളും ഉള്ളിലേക്ക് തള്ളിവെച്ചാല്‍ ചുവട് വൃത്താകൃതിയിലായി മറിഞ്ഞുവീഴാതിരിക്കും. മണ്ണ് മിശ്രിതം നിറച്ച ശേഷം ഏറ്റവും മുകളിലായി എല്ലുപൊടി, കപ്പലണ്ടി പിണ്ണാക്ക്, വേപ്പിന്‍ പിണ്ണാക്ക് മണ്ണിര കമ്പോസ്‌റ് എന്നിവ 50 ഗ്രാം വീതം കൂട്ടിയോജിപ്പിച്ച ശേഷം വിത്തുകളോ തൈകളോ നടാം.
 
 
പാവല്‍, പടവലം, വെണ്ട എന്നിവയുടെ വിത്തുകള്‍ ആറ് മുതല്‍ പന്ത്രണ്ട് മണിക്കൂര്‍ വരെ വെള്ളത്തില്‍ കുതിര്‍ത്ത് വെച്ച് നട്ടാല്‍ അങ്കുരണ ശേഷി ഉറപ്പിക്കാം. അധികം താഴ്ചയിലല്ലാതെ വിത്തിടണം. പ്രത്യേകിച്ചും ചെറിയ വിത്തുകള്‍. തയ്യാറാക്കിവെച്ച ചട്ടികളിലും സഞ്ചികളിലും വിത്തുകള്‍ പാകിയോ (വെണ്ട, പയര്‍, പാവല്‍, പടവലം, മത്തന്‍, കുമ്പളം) 30-45 ദിവസം കഴിയുമ്പോള്‍ നാലില പ്രായത്തില്‍ പറിച്ചു നടുകയോ (തക്കാളി, ചീര, മുളക്, വഴുതന) ചെയ്യാം. വിത്തിട്ട ശേഷം മണ്ണ് ചെറുതായി നനക്കണം. ചീര, വഴുതിന എന്നിവയുടെ വിത്തുകള്‍ ഉറുമ്പു കൊണ്ടുപോകാതിരിക്കാനായി വിത്തിട്ട ശേഷം ചുറ്റും മഞ്ഞള്‍പ്പൊടിഉപ്പ് മിശ്രിതം തൂവിക്കൊടുക്കുകയോ വിത്ത് അരിമണി, മണല്‍ എന്നിവയുമായി കൂട്ടിക്കലര്‍ത്തി പാറ്റുകയോ ആവാം. പറിച്ചു നടുന്നതിന് അനുയോജ്യമായ സമയം വൈകുന്നേരമാണ്. വേനലില്‍ തൈകള്‍ക്ക് രണ്ട് മൂന്ന് ദിവസം തണല്‍ കൊടുക്കണം. ഓരോ ചാക്കിലും രണ്ടു മൂന്നു വിത്തുകളോ തൈകളോ നടാം.
 
 
ടെറസ്സിലെ കൃഷിക്ക് രാസവസ്തുക്കള്‍ ഉപയോഗിക്കേണ്ടതില്ല. രാസവസ്തുക്കള്‍ ടെറസ്സിനെ കേടുവരുത്തും. ആഴ്ചയിലൊരിക്കല്‍ ദ്രവരൂപത്തിലുള്ള പുളിപ്പിച്ച ജൈവവളങ്ങള്‍ (കാലിവളം, എല്ലുപൊടി, കമ്പോസ്‌റ്, പച്ചിലവളം, കോഴിവളം, കടലപ്പിണ്ണാക്ക്) ഇട്ടുകൊണ്ടിരുന്നാല്‍ ചെടികള്‍ കരുത്തോടെ വളരും. വേനല്‍ക്കാലത്ത് രണ്ടുനേരവും ബാക്കികാലങ്ങളില്‍ മഴയില്ലാത്തപ്പോള്‍ ഒരുനേരവും ചിട്ടയായി ആവശ്യത്തിനു മാത്രം നനച്ചാല്‍ മണ്ണിലുള്ള വായുസഞ്ചാരം കൂടും. ചാക്കില്‍/ചട്ടിയില്‍ നിന്നും വെള്ളം ഒലിച്ചിറങ്ങുംവിധം നനക്കരുത്. ഒരേ വിള തന്നെയോ ഒരേ വര്‍ഗത്തില്‍ പെട്ട വിളകളോ ഒരേ ചാക്കില്‍/ചട്ടിയില്‍ തുടര്‍ച്ചയായി കൃഷി ചെയ്യരുത്. ഓരോ പ്രാവശ്യവും ചെടി നടുമ്പോള്‍ മണ്ണിളക്കണം. ഇപ്രകാരം ഒരേ ചട്ടിയില്‍ മൂന്നോ നാലോ തവണ കൃഷിചെയ്യാം. ഓരോ വിളയും അതിനനുയോജ്യമായ സമയത്ത് നടുകയാണെങ്കില്‍ മികച്ച വിളവ് ലഭിക്കും.
 
                     
                                       
                             
                                                     

                                                                                                                   
                                                                                                                                                                                                                                                                                 

                    mattuppaavile pacchakkaritthottam                

                                                                                                                                                                                                                                                     

                   mattuppaavile pacchakkaritthottam ariyenda kaaryangal‍                

                                                                                             
 
                             
                                                       
           

 

 
 
 
derasil‍ pacchakkari krushi cheythundaakkukayaanenkil‍ jyva pacchakkari krushibhoomiyillaatthavar‍kkum bhakshikkaam. Derasile krushikku polittheen‍/simantu sanchikalaanu upayogikkunnathu. Upayogashoonyamaaya dayarilum krushi cheyyaavunnathaanu. Kyvariyodu cher‍nnu adiyil‍ chumaru varunna bhaagatthinu mukalilaayi chattikal‍ vekkaam. Ishdika adukki athinu mukalil‍ chattikal‍ vekkunnathaanu uchitham. Vellam ketti nil‍kkaathirikkaan‍ prathyekam shraddhikkanam.
 
 
mel‍mannu, chaanakappodi, manal‍ enniva 2:1:1 anupaathatthil‍ kootticcher‍tthu mishritham thayyaaraakkaam. Plaasriku chaakkukalaanenkil‍ iru vashatthum ancho aaro sushirangalidanam. Chattiyilaanenkil‍ sushiram adakkanam. Ettavum adiyil‍ randinchu kanatthil‍ manal‍ niratthuka. Athinu mukalil‍ chattiyude/kavarinte vaa vattatthinte orinchu thaazhe vare pottimgu mishritham nirakkuka. Nirakkumpol‍ sanchiyude randu moolakalum ullilekku thallivecchaal‍ chuvadu vrutthaakruthiyilaayi marinjuveezhaathirikkum. Mannu mishritham niraccha shesham ettavum mukalilaayi ellupodi, kappalandi pinnaakku, veppin‍ pinnaakku mannira kamposru enniva 50 graam veetham koottiyojippiccha shesham vitthukalo thykalo nadaam.
 
 
paaval‍, padavalam, venda ennivayude vitthukal‍ aaru muthal‍ panthrandu manikkoor‍ vare vellatthil‍ kuthir‍tthu vecchu nattaal‍ ankurana sheshi urappikkaam. Adhikam thaazhchayilallaathe vitthidanam. Prathyekicchum cheriya vitthukal‍. Thayyaaraakkiveccha chattikalilum sanchikalilum vitthukal‍ paakiyo (venda, payar‍, paaval‍, padavalam, matthan‍, kumpalam) 30-45 divasam kazhiyumpol‍ naalila praayatthil‍ paricchu nadukayo (thakkaali, cheera, mulaku, vazhuthana) cheyyaam. Vitthitta shesham mannu cheruthaayi nanakkanam. Cheera, vazhuthina ennivayude vitthukal‍ urumpu kondupokaathirikkaanaayi vitthitta shesham chuttum manjal‍ppodiuppu mishritham thoovikkodukkukayo vitthu arimani, manal‍ ennivayumaayi koottikkalar‍tthi paattukayo aavaam. Paricchu nadunnathinu anuyojyamaaya samayam vykunneramaanu. Venalil‍ thykal‍kku randu moonnu divasam thanal‍ kodukkanam. Oro chaakkilum randu moonnu vitthukalo thykalo nadaam.
 
 
derasile krushikku raasavasthukkal‍ upayogikkendathilla. Raasavasthukkal‍ derasine keduvarutthum. Aazhchayilorikkal‍ dravaroopatthilulla pulippiccha jyvavalangal‍ (kaalivalam, ellupodi, kamposru, pacchilavalam, kozhivalam, kadalappinnaakku) ittukondirunnaal‍ chedikal‍ karutthode valarum. Venal‍kkaalatthu randuneravum baakkikaalangalil‍ mazhayillaatthappol‍ oruneravum chittayaayi aavashyatthinu maathram nanacchaal‍ mannilulla vaayusanchaaram koodum. Chaakkil‍/chattiyil‍ ninnum vellam olicchirangumvidham nanakkaruthu. Ore vila thanneyo ore var‍gatthil‍ petta vilakalo ore chaakkil‍/chattiyil‍ thudar‍cchayaayi krushi cheyyaruthu. Oro praavashyavum chedi nadumpol‍ mannilakkanam. Iprakaaram ore chattiyil‍ moonno naalo thavana krushicheyyaam. Oro vilayum athinanuyojyamaaya samayatthu nadukayaanenkil‍ mikaccha vilavu labhikkum.
 
                     
                                       
                             
                                                     
Terms And Service:We do not guarantee the accuracy of available data ..We Provide Information On Public Data.. Please consult an expert before using this data for commercial or personal use
DMCA.com Protection Status Powered By:Omega Web Solutions
© 2002-2017 Omega Education PVT LTD...Privacy | Terms And Conditions